19 سبتمبر 2018

10 خدع تعملها بتليفونك

تعرف إن تليفونك دا مليان حاجات أنت متعرفش عنها حاجة؟ تعرف كمان إنك ممكن تلاقي فيه استخدامات متخطرش على بال ناس كتير في موضوعنا هتعرف 10 خدع من أكتر الخدع اللي ممكن تعجبك وتبهرك يلا بينا

1- تخيل إنك تتقدر تتحكم بموبايلك بوشك!!

ممكن تكون مشغول في كذا حاجة والخاصية دي تفيدك وتنجز معاك جدا، متستغربش في ابليكشن تقدر توفرلك الخاصية دي على تليفونك وأشهرهم وأفضلهم هو Eva facial mouse app تقدر تنزله من على البلاي ستور واستمتع بقى

2- وضعية الضيف أو guest mode

تقدر تفعلها لو حد غيرك معاه تليفونك لمدة صغيرة وأنت مش عايز تسمحله بأي access على ملفاتك وبياناتك غن طريق إنك بتختار ال guest mode وتحدد من الإعدادات ايه اللي متاح اللي ماسك موبايلك إنه يدخل عليه

3- تليفونك اتسرق لا قدرالله، نسيته برا البيت، موجود في مكان بعيد عنك ومش مطمن عليه في المكان ده

تقدر تقفله عن بعد من خلال تطبيق android lost  وتتحكم في جهازك من خلاله  وتعمل formatعشان محدش يسرق بياناتك وتدخل على التطبيق بالايميل اللي متسجل على موبايلك وتقدر تتحكم في الموبايل بقى.

4- حافظ على شحن موبايلك فترة أطول بقدر الإمكان:

 لو عايز تطول عمر بطاريتك وتخلي تليفونك يقلل من الطاقة اللي بيستهلكها في الخلفية اقدر إنك تحط خلفية سودا وهتلاقي إن بطارية التليفون شحنها بيفضل فترة أطول

5- لو كنت من النوع اللي مش بيحب يقرأ كتير

في ميزة في الأجهزة الأندرويد وهي تحويل النص لكلام تقدر من خلالها لو عندك مقال ومش عايز تقرأه اقدر تسمعه من خلال الضبط settings وتختار إمكانية الوصول access ability وتختار تحويل النص لكلام text to speech وتحدد ايه اللي عايز تحوله لصوت

6- ال developer menu

القايمة دي مليانة بأوامر كتيرة هتعجبك وناس كتير جداا متعرفهاش طب نفعلها إزاي؟ ادخل على الضبط settings بعدين حول الجهاز about my phone بعدين هيعد تقريبا خمس ثواني بعدها كده اتفعلت عندك هتلاقي إعدادات كتير لحاجات في السمارت فون بتاعك تقدر تظبطها على مزاجك

7- ضبط animation scale

ناس كتير بيواجهوا مشكلة إن فتح أو قفل تطبيقات معينة بياخد وقت منهم والتنقل كمان جواها بيكون بطئ. طب والحل؟! الحل هيكون من القايمة اللي ذكرناها developer menu وهنلاقي فيها animation scale هنظبط الارقام بقى عشان تظبط سرعة الجهاز داخل التطبيقات دي

8- ميزة offline Google map

طبعا محدش هينكر أهمية جوجل مابس هو ملاذنا لما بنكون تايهين أو في مكان جديد علينا، عشان كده في حركة حلوة جدا وهي إنك لو مسافر مكان معين تقدر تحمل خريطة كاملة للمكان دا لحد 2 جيجا بايت ودي مساحة كبيرة ممكن تجبلك خريطة دولة كبيرة ودا فايدته إنه هيوفر عليك الوقت مش هتستني الخريطة تحمل معاك لإنها أصلا متحملة

9- بتحب تصور الطبيعة؟

طب خد ال trick دي تقدر إنك لو بتصور ورقة شجرة أو جذع شجرة إن الصورة تجيب أدق التفاصيل عن طريق حاجة سهلة جدا وهي إنك تحط نقطة مية على الكاميرا وتصور يا معلم هتلاقي الصورة طلعت كأنها تحت الميكروسكوب

10- الكهربا مقطوعة ومفيش معاك غير موبايل وإزازة مية

متقلقش تقدر تعمل إضاءة حلوة بيهم: هتشغل كشاف تليفونك وهتحط الإزازة وهي مليانة مية على الكشاف هتلاقي انعكاس الضوء في المية عمل إضاءة قوية ليك تنور .جزء كبير من المكان اللي أنت موجود فيه

مقارنة () منتج